முத்தத்தின் சக்தி

என்னை வாரி அணைத்து
நெஞ்சில் புதைத்திடும் பொருட்டு,
மூச்சும் சில நொடிகள்
இறந்து பிறக்கும் அளவிற்கு
என்னை இறுக அணைத்து,
என் உச்சி முகர்ந்து
நீ தந்த முத்தத்தின் சுகம்
சில நொடிகள் தானாவென்று
சல்லிசாக எண்ணி விட்டேன்...
ஆனால் அதற்காக - என்
ஒவ்வொரு நொடித் தனிமைகளையும்
அந்தச்சுகத்திற்கே இரையாக்கிடும்
சக்தி உண்டென்று அப்பொழுது
தெரியவில்லையடா இந்த சிறுக்கிக்கு...