Tuesday 19 October 2010

புதைக்கப் பட்ட காதல்

கல்லூரி நாட்கள் ஒன்றில்
உன் பாதச்சுவடு அருகினில்,
உன் நிழல் தாங்கியாய்,
உன்னை தொடர்ந்து வருகையில்,
நீ கனியாத காரணத்தால் என்னவோ
கூந்தல் ஏறிய ரோஜாவாவது
என் கையில் நழுவி விழுந்தது...
நியாபகமாய் வைத்திட்டேன் டைரியில்
இதயம் புதைத்த காதலாய்...

நாட்கள் ஓடி வருடங்கள் கரைய,
ஏதோ ஒரு வேலையாய்
மறைந்த பொருட்களை தேடுகையில்
நியாபகம் மறந்த காதலியின் முகம்
திடிரென கண்ணெதிரே கண்டிட
அனிச்சையாய் தென்பட்டது டைரி...
புதைக்கப்பட்டு காய்ந்து போனாலும்
வாடாது இன்றும் வாசம் வீசியது
ரோஜா என் காதலோடு

No comments:

Post a Comment